La Comedia sigue, agora un diccionariu:

"Tres perrines pocu son,
y a mí bien pocu m'abulten,
si nun me das otres tres,
nun vuelvo a tu casa nunque.
Que tu me lo dixisti,
que tu me lo dirás,
que tu me lo dixisti,
camín de Candás."


Estos señores de "la izquierda d'Asturies" por llamalos de dalgún mou, nun se ponen colloraos por ná. Esti fin de selmana sal nos periodicos asturianos y en dellos medios d’interné, la entrega del I premiu d’ensayu Emilio Trabanco Trabanco al “investigador y escritor“ Fernán Gonzali Lechosa pola so obra Diccionariu de la sidra.

Prestaríamos enforma, destacar delles coses :

1. Vamos dexar de llau que nun somos pescanciar cuando’l señor Gonzali trabayaor de la multinacional Tenneco Automotive, algamó la condición d'escritor e investigador y cuales son les sos virtudes pa llograr distinción asemeyada.

2. Ye simpáticu que’l premiu lo gane un miembru de la mesma asociación que lu convoca. Pa que se van esconder pa facer l'amagüestu


3. Por si fora poca cosa, esta asociación tamién: escueye a les persones que formaron parte del xuráu y la persona que lu presidío(articulu 10).

4. El presidente del xuráu ya t'avezáu abondo a facer tala xera, nun hai nin tres meses que vien de xugar el mesmu papelón col I Premíu d'Ensayu Asturies. Al señor David Rivas remenbra-y namái una cosiquina que paez escaecer nel artículu que-y dedica a los sos collacios nel so blog . "Excusatio non petita, accusatio manifiesta".

5. Amás del premíu metálicu que son 1250 euros y los llibros de regalu, la obra va ser espublizada, comu nun podía ser d’otru mou cola editorial del so collaciu del alma Marcos Abel Fernández Marqués ( Espublizastur SL “la editorial amiga”). Otru veceru habitual d'estes romeríes.

6. La presentadora del actu ye la directora la revista La sidra, Llucía Fernández Marqués hermana del editor d'Espublizastur S L.

7. La direición a la que teníen d'unviase les obres yera casualmente la de los señores marqueses en Santuriu, colo cual l’autor premiáu de xuru que pudo presentalu direutamente nuna de los sos visites a los sos collacios y compañeros d’asociaciones y partíos.

8. Amenacen con sacar una coleicción d’ensayu Emilio Trabanco Trabanco, que ye fácil aldovinar cuala sera la editorial afortunada .

9. El llagareru Samuel Trabanco, comu buen patriota, financiara de xuru xenerosamente la coleicíon d'arte y ensayu al igual que –yos manda la sidre a “nuestres tropes españoles nel Líbanu” o "a nuesa seleición na Eurocopa" ( Fernán,"Podemos")

10. Tamíen nun queremos dexar pasar quien más taben convidaos a la fartura. L'actu tuvo la presencia de la Conceyala del PSOE Dulce Gallego Canteli ( Ex Bandera Roja, Nueva Izquierda......). Antigua trabayaora de la clínica Belladona del señor Marqués ("casualidaes de la vida").

11. Esta señora seriamente cuestionada nestos intres pol procesu selectivu nel xardín Botanicu, esi mesmu que nos caberos tiempos paez tar a la llibre disposición de la editorial del señor Marqués, pa presentar cualaquier de los sos productos lliterarios sovencionaos pol PSOE.

12. Ye de resaltar que demientres toes estes persones taben poniendose les botes nel llagar de Trabanco, un paisanu Ricardo Librero caltenía una fuelga fame ente'l Botanicu y la Iglesia San Xosé pa defender el so puestu de trabayu y denunciar un procesu selectivu más qu'escuru.

13. Lo dicho que los que tanto falen del pueblu trabayaor asturianu, de fartura cola patronal y colos responsables políticos del reximén clientelar n'Asturies ( Ye verdá que ye'l llugar más afayaízu pa ellos), demientres que na concentración d'esti miercoles en solidaridá col trabayaor nun se-yos vio'l pelo.
Esto debe ser lo que n'Andecha Astur entienden por xunidá d'aición. Cá cual que saque les sos propies conclusiones.

Dalgunos enllaces pa consultar y char unes rises con esti nuevu capítulu de la hestoria de la hipocresía n'Asturies.


http://www.fundeu.es/Noticias.aspx?frmOpcion=NOTICIA&frmFontSize=2&frmIdNoticia=2899

http://www.cuaderno10.com/1147.html?I+Premio+de+Ensayo+Emilio+Trabanco

http://www.lavozdeasturias.es/noticias/noticia.asp?pkid=280267

http://davidm-rivas.blogspot.com/2010/02/gonzali-llechosa-gana-lemilio-trabanco.html

http://www.elcomerciodigital.com/gijon/20070908/local/asturias/tropas-espanolas-libano-celebran-200709081223.html

http://www.lne.es/gijon/2010/02/26/diccionario-sidra-gana-premio-trabanco-ensayo/878491.html

http://www.lavozdeasturias.es/noticias/noticia.asp?pkid=544616

http://www.elcomerciodigital.com/v/20100304/gente/salud-botella-20100304.html

Asturies SOS vos, nun soi yo

"Los premios siguen, la sovención se pide"


Nuevu llamamientu d'Andecha Astur a tolos asturianos y asturianes a siguir calteniendo la fe nel gurú del nacionalismu y na so nueva llínea política, pasamos del puestinos y perres, a la nueva campaña que baxo'l nome de premios y sovenciones va da-y la vuelta a la situación de cris que sofrimos la sociedá asturiana.

Facemos un llamáu a tola xente patriota a vindicar el díi de la Sovención Asturiana y comu non , amostrar el sofitu facía esta nueva iniciativa de la izquierda d'Asturies poniendo un cazu na ventana de cá asturianu o asturiana. Dengún llar d'Asturies pue quedar ensin cazu.

Esta selmana pasada ya pudimos ver dellos sofitos a la nueva llinea política, ente los más significativos comu nun destacar el de la conceyala del PSOE Dulce Gallego o'l encargau de la "infracadarma de les nueses tropes nel Líbanu".

"Ensin $ovención, nun hai revolución"............$$$$$$$$.

"Paint it Black" Otra aición solidaria col trabayaor despedíu

El pasáu miercoles 24 de febreru l'Ensame Trabayaores Asturianos "Jose Maria Martínez" fizo un nueva aición en solidaridá col trabayor despedíu por Marcos Abel Fernández Marqués del Llar d'Andecha de Xixón.

L'aición tuvo llugar nel "Instituto Reumatológico Asturiano", empresa propiedá del señor Marqués.

Dende l'Ensame solo queremos reiterar el nuesu compromisu de llucha y solidaridá col envís de consiguir una solución xusta pal trabayaor. Evidentemente los enemigos del pueblu trabayaor asturianu, van tener que sofrir les consecuencies del conflictu, que-yos vaya quedando nidio por si teníen dalguna dulda, que los trabayaores sabemos y podemos defendemos .

Nun-yos va pagar la pena esplotar a los trabayaores, porque nun-yos va salir de badre.


Obreru despedíu, ¡ Marqués forráu !

"Ye míu, sólo míu...mi tesoru"

Presentóse en Xixón el 6u FESTIVAL DE CINE ASTURIANU

Tuvo llugar en Xixón esti llunes 22 de febreru la presentación del 6u FESTIVAL DE CINE ASTURIANU. Durante l'actu fizose tamién la presentación en Xixón del llibru HISTORIA DEL CINE ASTURIANU, de Xaviel Vilareyo, acompangáu pol gran actor de comedia Marcos Abel Fernández Marqués.

Dambes presentaciones tuvieron llugar nel Salón d'Actos de la Biblioteca de Xixón onde antes s'asitío el Teatru Xovellanos, que foi escenariu de les primeres proyeiciones públiques de cine n'Asturies n'agostu del añu 1896.

L'actu sirvió tamién pa entamar un interesante debate ente tolos directores y asistentes sobre'l futuru del cine n'Asturies.

Dempués diose pasu al estrenu mundial de la cabera película protagonizada pol señor Marqués " El señor de les sovenciones ", rodada na so totalidá por toa la xeografía de les Asturies y financiada a escote pericote ente la FSA y Andecha Astur S.A.

Fernán que diferencia ente lo qu'escribes y lo que faes II

Ye una pena que lo que dalgunos llamaís autoxestionase, seya namái que'l procesu ellaboráu y diseñáu por delles persones pa tener a la organización Andecha Astur amarrada de pies y manes nel tema políticu, emplegando el control total que tienen sobre le perres de la organización.

Cualquier paisanu medianamente seriu dempués de ver la collecha recoyida, productu de lo que dalguna xente taís semando dende cuantayá, marcharía pa casa y dexaría pasu a dalguien que tea dalgo estremao que dicir y otra forma de facer les coses.

De dalgunos comu tú ya vemos lo que se pue asperar, la lliquidación de cualaquier esperanza de que se puea construyir nel presente o nel futuru un proyeutu políticu

seriu al serviciu les necesidaes del pueblu trabayaor asturiano.

Esti país nun se pue permitir por más tiempu remores comu tú, estrozando tolo que toquen y que tien que recurrir a los xuzgaos españoles, pa iguar xudicialmente lo que nun son a resolver politicamente por incapaces. ¡Marcha-y pa casa y aprender a tocar!

"Vamos dexar de vivir de gaita sidra y tambor,de la Santina na cueva y de castros baxo’l sol. Óyense voces falando de pueblos y llibertá,de roses llorando espines,de palombes y un riscar."

Andres Solar

Fernán que diferencia ente lo qu'escribes y lo que faes

Dexamos pa que la xente puea char un gueyu a la primera parte d'un prologu que'l señor Fernán Gonzali Lechosa escribiere pal llibru 15 años D'Andecha n'imaxenes.

Hai que mirar con atención lo qu'esti paisanu dicía fae bien pocu de les sovenciones y la posición de la organización ente elles, colo cual o miente no que diz o allorío completamente.

Andecha Astur ¿Ún partíu piquiñu? o Andecha Marqués ¿Una gran familia?

Conceyu nacional el sábadu 27 de febreru

El sábadu 27 de febreru de magar les 10'30 hores nos llocales de la CSI en Xixón
Andecha Astur va cellebrar un conceyu el sábadu 27 de febreru al que ta convocada la militancia de cara a aldericar sobre la estratexa y la llinia polítiques a siguir no sucesivo. El Conceyu ye de calter nacional, poro ta convocada a participar tola militancia de tolos conceyos d'Andecha Astur.

Andecha Astur aconceyaran esta selmana que vien, pa ver el mou de siguir fundiendo les perres qu'obtienen de los impuestos de tolos asturianos al travies de les sovenciones que-yos conceden los sos collacios del PSOE.

De xuru que tendran tiempu nel conceyu p'aldericar sobre los otros temes de l'actualidá de la "muerganización referencial del nacionalismu asturianu" o seya la perdida xudicial de les sigles d'Andecha Astur, o'l siguiente xuiciu que tienen, nesti casu pol despidu improcedente al trabayador del so llar social.

Lo que nun podemos asperar ye que haiga naide nesti momentu dientru d'esta organización, que tea la valentía y la honestidá necesaria p'aparar la carrera facía la destruición a la que-yos ta conduciendo la necesidá de defender los negocios privados del Clan Marqués.

Pero desgraciamente ye un mal mui común nesta Asturies de güei, el entemecer los intereses privados de dellos personaxes colos necesidaes coleutives de la sociedá.

Ya nun voy a les andeches
Porque nun tengo mesories
Prestarásme tú les tuyes
Y coyeremos a soles.
Los mozos d´aquesta andecha
Vienen a nun valir nada,
Porque nin canten, nin riflen,
Nin salen a la cuayada.
Fuiste a la siega y viniste,
Nun me truxiste gordones
En viniendo les castañes
Maldita la que me comes.
Segador que tas segando
Debaxu de la borrina,
Si nun corta la guadaña,
Saca la piedra y afila.