Asturies SOS vos, nun soi yo

"Los premios siguen, la sovención se pide"


Nuevu llamamientu d'Andecha Astur a tolos asturianos y asturianes a siguir calteniendo la fe nel gurú del nacionalismu y na so nueva llínea política, pasamos del puestinos y perres, a la nueva campaña que baxo'l nome de premios y sovenciones va da-y la vuelta a la situación de cris que sofrimos la sociedá asturiana.

Facemos un llamáu a tola xente patriota a vindicar el díi de la Sovención Asturiana y comu non , amostrar el sofitu facía esta nueva iniciativa de la izquierda d'Asturies poniendo un cazu na ventana de cá asturianu o asturiana. Dengún llar d'Asturies pue quedar ensin cazu.

Esta selmana pasada ya pudimos ver dellos sofitos a la nueva llinea política, ente los más significativos comu nun destacar el de la conceyala del PSOE Dulce Gallego o'l encargau de la "infracadarma de les nueses tropes nel Líbanu".

"Ensin $ovención, nun hai revolución"............$$$$$$$$.

"Paint it Black" Otra aición solidaria col trabayaor despedíu

El pasáu miercoles 24 de febreru l'Ensame Trabayaores Asturianos "Jose Maria Martínez" fizo un nueva aición en solidaridá col trabayor despedíu por Marcos Abel Fernández Marqués del Llar d'Andecha de Xixón.

L'aición tuvo llugar nel "Instituto Reumatológico Asturiano", empresa propiedá del señor Marqués.

Dende l'Ensame solo queremos reiterar el nuesu compromisu de llucha y solidaridá col envís de consiguir una solución xusta pal trabayaor. Evidentemente los enemigos del pueblu trabayaor asturianu, van tener que sofrir les consecuencies del conflictu, que-yos vaya quedando nidio por si teníen dalguna dulda, que los trabayaores sabemos y podemos defendemos .

Nun-yos va pagar la pena esplotar a los trabayaores, porque nun-yos va salir de badre.


Obreru despedíu, ¡ Marqués forráu !

"Ye míu, sólo míu...mi tesoru"

Presentóse en Xixón el 6u FESTIVAL DE CINE ASTURIANU

Tuvo llugar en Xixón esti llunes 22 de febreru la presentación del 6u FESTIVAL DE CINE ASTURIANU. Durante l'actu fizose tamién la presentación en Xixón del llibru HISTORIA DEL CINE ASTURIANU, de Xaviel Vilareyo, acompangáu pol gran actor de comedia Marcos Abel Fernández Marqués.

Dambes presentaciones tuvieron llugar nel Salón d'Actos de la Biblioteca de Xixón onde antes s'asitío el Teatru Xovellanos, que foi escenariu de les primeres proyeiciones públiques de cine n'Asturies n'agostu del añu 1896.

L'actu sirvió tamién pa entamar un interesante debate ente tolos directores y asistentes sobre'l futuru del cine n'Asturies.

Dempués diose pasu al estrenu mundial de la cabera película protagonizada pol señor Marqués " El señor de les sovenciones ", rodada na so totalidá por toa la xeografía de les Asturies y financiada a escote pericote ente la FSA y Andecha Astur S.A.

Fernán que diferencia ente lo qu'escribes y lo que faes II

Ye una pena que lo que dalgunos llamaís autoxestionase, seya namái que'l procesu ellaboráu y diseñáu por delles persones pa tener a la organización Andecha Astur amarrada de pies y manes nel tema políticu, emplegando el control total que tienen sobre le perres de la organización.

Cualquier paisanu medianamente seriu dempués de ver la collecha recoyida, productu de lo que dalguna xente taís semando dende cuantayá, marcharía pa casa y dexaría pasu a dalguien que tea dalgo estremao que dicir y otra forma de facer les coses.

De dalgunos comu tú ya vemos lo que se pue asperar, la lliquidación de cualaquier esperanza de que se puea construyir nel presente o nel futuru un proyeutu políticu

seriu al serviciu les necesidaes del pueblu trabayaor asturiano.

Esti país nun se pue permitir por más tiempu remores comu tú, estrozando tolo que toquen y que tien que recurrir a los xuzgaos españoles, pa iguar xudicialmente lo que nun son a resolver politicamente por incapaces. ¡Marcha-y pa casa y aprender a tocar!

"Vamos dexar de vivir de gaita sidra y tambor,de la Santina na cueva y de castros baxo’l sol. Óyense voces falando de pueblos y llibertá,de roses llorando espines,de palombes y un riscar."

Andres Solar

Fernán que diferencia ente lo qu'escribes y lo que faes

Dexamos pa que la xente puea char un gueyu a la primera parte d'un prologu que'l señor Fernán Gonzali Lechosa escribiere pal llibru 15 años D'Andecha n'imaxenes.

Hai que mirar con atención lo qu'esti paisanu dicía fae bien pocu de les sovenciones y la posición de la organización ente elles, colo cual o miente no que diz o allorío completamente.

Andecha Astur ¿Ún partíu piquiñu? o Andecha Marqués ¿Una gran familia?

Conceyu nacional el sábadu 27 de febreru

El sábadu 27 de febreru de magar les 10'30 hores nos llocales de la CSI en Xixón
Andecha Astur va cellebrar un conceyu el sábadu 27 de febreru al que ta convocada la militancia de cara a aldericar sobre la estratexa y la llinia polítiques a siguir no sucesivo. El Conceyu ye de calter nacional, poro ta convocada a participar tola militancia de tolos conceyos d'Andecha Astur.

Andecha Astur aconceyaran esta selmana que vien, pa ver el mou de siguir fundiendo les perres qu'obtienen de los impuestos de tolos asturianos al travies de les sovenciones que-yos conceden los sos collacios del PSOE.

De xuru que tendran tiempu nel conceyu p'aldericar sobre los otros temes de l'actualidá de la "muerganización referencial del nacionalismu asturianu" o seya la perdida xudicial de les sigles d'Andecha Astur, o'l siguiente xuiciu que tienen, nesti casu pol despidu improcedente al trabayador del so llar social.

Lo que nun podemos asperar ye que haiga naide nesti momentu dientru d'esta organización, que tea la valentía y la honestidá necesaria p'aparar la carrera facía la destruición a la que-yos ta conduciendo la necesidá de defender los negocios privados del Clan Marqués.

Pero desgraciamente ye un mal mui común nesta Asturies de güei, el entemecer los intereses privados de dellos personaxes colos necesidaes coleutives de la sociedá.

Ya nun voy a les andeches
Porque nun tengo mesories
Prestarásme tú les tuyes
Y coyeremos a soles.
Los mozos d´aquesta andecha
Vienen a nun valir nada,
Porque nin canten, nin riflen,
Nin salen a la cuayada.
Fuiste a la siega y viniste,
Nun me truxiste gordones
En viniendo les castañes
Maldita la que me comes.
Segador que tas segando
Debaxu de la borrina,
Si nun corta la guadaña,
Saca la piedra y afila.

"Independencia y nepotismu" Del réxime clientelar al marquesáo

La Fundación Asturies XXI, cuyo patronatu ta compuestu pol señor Marcos Abel Fernández Marqués, pola so señora esposa y pola so señora madre, convocó'l I premiu d'Astrofotografia Cielu Astur nel añu 2009 pa fotografos non profesionales, astrofotografos y astronomos.

Les semeyes teníen d'unviase a la cai Decanu Prendes Pando, 11 Baxu, Xixón, casualmente la mesma direición del Llar d'Andecha y non a la so sede social el xalé del matrimoniu Marques en Santuriu, anque les meyores semeyes diben esponese nos llocales de l'Asociación. Polo cual sabemos que les semeyes del so sobrín tienles escolingaes en casa, ya que esti, Asur Enol Marqués, foi ganador del concursu familiar.

Prestamos enforma ver que nun hebío denguna torga pa que nel xuráu que daba'l premíu, pudiesen tar familiares direutos del ganador y eso que lluego enllenese-yos la boca falando de reximenes clientelares n'Asturies, ¡ Serán caradures !

Tamíen resulta curiososo que'l teléfonu de contautu ( 652- 59-49-83 ) pa pidir información fuese identicu al telefonu de la so hermana LLucía Fernández Marqués, que ye direutora de la revista LA Sidra, asina comu la persona que fai les tornes pa la editorial Espublizastur, convenientemente supervisada pol señor Fernán Gonzali Lechosa.

Pa too esti nuevu trafuyu y comu nun podía ser d'otru mou consiguieron sacar 2000 euros de
sovención pal Concursu de astrofotografía. Lo que nun mos esclarien ye que si-yos dieron 2000 euros y 1000 fueron pal sobrín que foi de los otros mil euros , ¿ Quién los llevo ? ¿ en conceutu de qué ? ¿ de comisión ?

Para más información pue consultase'l Bopa núm. 294 de 22-XII-2009, o los siguientes enllaces:

http://www.infoasturies.net/index.php?option=com_content&view=article&id=5842:la-fundacion-asturies-xxi-convoca-un-concursu-dastrofotografia&catid=37:cultura&Itemid=53

http://www.infoasturies.net/index.php?option=com_content&view=article&id=6456:asul-enol-marques-ganal-i-premiu-dastrofotografia-cieloastur&catid=37:cu

Instituto Reumatologico Asturiano Sociedad Limitada

Con tanta sovención el Marques va déxanos nos güesos.

Esta empresa del señor Fernández Marques llévose en conceutu de sovenciones pa la contratación l’importe de 7145’70 euros ente los años 2007-2009.

2007

Tipu de contratu: Conversión prautiques

1 Marta Riva Rivero: 1686'60 ; 2 María Inmaculada Pérez Hernández: 1686'60 ; 3 Ana Robles Rodríguez: 1687'50

2008

Tipu de contratu: Conversión prautiques

1 Lucia Alvárez Sánchez: 885

2009

Tipu de contratu: Conversión prautiques

1 Lorena Rubio Berdascos: 1200

Ye interesante comprobar comu na situación de crisis que vien careciendo la sociedá asturiana nos caberos 30 años, siempre hai tiburones sollertes y dispuestos a pega-y un taragañu a los drechos de los trabayaores.

Esto ye no qu’usa les perres el PSOE, (Partíu Sovencionador D’Organizaciones Empresariales) na financiación de los empresarios “asturianos”, a costa de que díi ente díi miles d’asturianos tengan que colar pa la emigración, pa enllenar los bolsos d’una riestra d'estómagos agradecíos.

Dempúes, dalgún entovía tien el rostru de falar en nome del pueblu trabayaor asturiano y de la emigración forciada.
¡Mentirosu!

Enllaces onde se pueden consultar dalgunes sovenciones pidíes dende esta empresa pa la contratación de trabayaores nos caberos 3 años:

http://www.asturias.es/portal/site/Asturias/menuitem.1003733838db7342ebc4e191100000f7/?vgnextoid=d7d79d16b61ee010VgnVCM1000000100007fRCRD&fecha=05/02/2010&refArticulo=2010-01460

http://www.asturias.es/portal/site/Asturias/menuitem.1003733838db7342ebc4e191100000f7/?vgnextoid=d7d79d16b61ee010VgnVCM1000000100007fRCRD&fecha=04/11/2009&refArticulo=2009-24722&i18n.http.lang=es

https://www.derecho.com/l/bopa/resolucion-25-junio-2007-servicio-publico-empleo-resuelve-convocatoria-subvenciones-contratacion-laboral-jovenes-titulados-entidades-animo-lucro-mes-diciembre-2006-primer-trimestre/

Tamién pidió dende esta empresa sovenciones pa sacar manuales d’exercicios y d’información al paciente n’asturianu. Estes sovenciones nun fueron concedíes por tar agotada la dotación económica prevista pa la convocatoria.

Pa más información sólo fai falta dir a google y guetar.

P'Andecha Astur esto si ye plan

Cual nuevu Zapateru, Andecha Astur presentamos el so plan pa sacar a la socieda asturiana de la crisis. El plan MAF ye bien cenciellu, despidos y sovenciones. Comu nun ye solo cosa de predicar, ya pusieren manes a la dura xera que tienen per delantre y que meyor que despidir a un trabayaor p'arrancar con fuelgu.

Si nun quies taza, taza y media. Si nun quies a la FSA , Andecha Astur.

¡Aún podemos dir a pior!

Entamu la campaña "YO PONGO’L CAZU POLA SOVENCIÓN"

Presentación de la nueva campaña de Andecha Astur, “Yo pongo’l cazu pola sovención".
Una vegada más la izquierda d’Asturies sal a la cai pa vindicar los sos drechos de propiedá sobre les perres de tolos asturianos.
Nestos tiempos de crisis que carecemos n’Asturies d’anguaño, ye perdifícil caltener el nivel de vida que comu Marqueses mos correspuenden. Polo tantu llamamos a la resitencia activa del pueblu trabayaor asturiano escontra’l estau español, pa consiguir les sovenciones afayaíces de los nuesos collacios del PSOE.

Porque dengún Marques quede ensin xalé.
Trabayando n’Andecha ¡Podemos!

"Si los perros lladren ye señal de qu'avanzamos.", El Quijote

Ye simpático ver la carrera facía denguna parte que tan escomencipiando los rapazos del M-Clan.

Notase qu'esti modestu blog pon-yos nerviosos, lo cual ye señal de que mos lleen (lo que prestamos enforma) y d'otru llau que nun-yos fae gracia ver les sos vergoñes a la lluz.

Hai xente que dende'l valiente anonimatu que-yos carauteriza, nun apara de disparar y soltar mentires, nós tenemos bien nidio que hai coses a les que nun tamos dimpuestos a llegar. Lo que dicimos, dicímoslo al altu la lleva y poniendo la cara, non el cazu comu otros, pa facelo. Amás son fechos verificables, ehí tan les fontes pa consultales y vamos siguir faciendolo.

Pa los amantes de chapotiar na mierda, vamos dexa-yos unes entrugues y dempúes tornamos a falar:

1 Tener a dalguien ensin asegurar y non pagar ni tan siquiera'l Salariu Mínimu Interprofesional, ¿cómo lo denominamos ?

2 Notificar el despidu pol métodu de camudar la pesllera, apropiándose d'oxetos de calter personal, ¿eso que ye?

3 Sería prestoso que'l señor Fernández Marques, desplicase si nun ye verdá que tien una rellación de calter familiar cola persona que ta trabayando nel Llar d'Andecha anguaño. Si nun mintío descaradamente y de forma sistemática col envís d'echar al trabayaor a la cai ensin imdenizar.

4 O si faltamos a la verdá cuandu, decimos que los que pasaron tola vida falando de los puestinos y perres, tienen una maquinaria dedicada a atropar sovenciones y na que ta implicada la so familia.

5 Que sepamos Andecha Astur sigue siendo un partíu, (independientemente de la lexitimidá sobre les sos sigles) ya'l chigre de Xixón yera'l Llar d'Andecha non el chigre de denguna asociación de calter cultural, que ye lo que tan sacando a circulación.

Polo tanto'l trabayaor despedíu qu'enxamás nunca tuvo n'Andecha Astur, taba ellí na condición de camareru y non prestaba denguna clase de serviciu social voluntariu. Polo tantu comu trabayaor bono, malu o regular correspuenden-y unos drechos, ¿o non?

6 Que cuenten, si son atrévese, quien tuvo iguando-yos coses nesi chigre pa que pudiesen abrilu y por qué lo ficieren.

7 Otra de les coses qu'esparce'l ventilador ye sobre'l supuestu calter de centru social en Xixón. Lo pocu o muncho que se fizo nesi chigre de calter social o cultural, tien que ver cola xera y la voluntá, nun solo del camareru sinon d'otra xente que nun tien que ver con Andecha Astur, d'echar un gabitu y de nun zarrar la puerte a naide que tuviese ganes de facer daqué y nun tuviese un sitiu pa facelo. Exemplos hailos abondo, nun hai más qu'entrugar a la xente de la CAA, de la CSI, la Plataforma escontra la represión y poles llibertaes, de F'nast, de la escuela de música tradicional La Quintana, de la Flex, d'Alambique, de Calecer, de Xunca Records, a les y los trabayaores d'Alimerka o de Lavachel, etc. La llista ye bien llarga y nun paga la pena continuala indefinidamente. Nunca se-y entrugó a naide d'onde venía, sinon lo que queríen facer o lo que necesitaben. Otros comu bona patronal lo único que ficieron foi poner torgues y pilancos en tou momentu, asina que cada palu qu'aguante so vela.

8 Hailos qu'agora garráranse al carauter del trabayaor pa xustificar nun sé que cosa, pero tenía'l mesmu carauter dende'l mesmu momentu qu'entro contratáu pola puerta del chigre a trabayar fasta que salío por ella, y nun pudo tornar a entrar.

"La verdá siempre ye revolucionaria", Vladimir Ilich Ulianov Lenin

Pa la xente avezada a siguir esti blog, ficimos dos correiciones na "Infracadarma, 1ª parte" ya "Infracadarma, 2ª parte". Quitamos una de les fundaciones na qu'apaecía Fernán Gonzali Lechosa como presidente, dempués de tener un conceyu con una de les persones integrantes de la fundación. Entendemos que poles esplicaciones que mos dio, anqu'hai una rellación ente la fundación, ya'l miembru del Ensame Sidreru, Andecha Astur y presidente de l'Asociación Cultural L'Ayalga, esta rellación en dengun casu ye de tipu económicu y muncho menos qu'esta fundación seya parte del entramáu financieru del clan marquesista, esi cancanu que ta corroyendo les coraes d'Andecha Astur.

Polo tanto nun mos duelen prendes iguar los posibles erros que podamos cometer, diximos dende l'entamu que yera un blog abiertu a la participación ya'l debate sinceru y mantenemoslo escontra vientu y marea.

Equí nun va tener sitiu nin los bilordios nin los llevantos que desgraciamente causan furor poles alcantarilles de la rede. Digolo pa los chavales de la mafia que nun paren de glayar y lladrar, que ya aburren y polo menos que-yos cuente'l subcomandante Marcos la hestoria completa antes de facer el rídiculu por Glayíu.

Lo que publicamos ye namái que la verdá y tan ehí los datos pa quien los quiera contrastar.

"Pa nós too, pa toos ná", el nuevu subcomandante Marcos.

El réximen clientelar y l'enchufismu políticu "problemes importantes a iguar" p'Andecha Astur.

Tamos completamente d’alcuerdu n’acabar col enchufismu políticu, y creyemos que la meyor manera facelo ye entamando pola casa d’ún.

Dende Andecha Astur consideren "indecentes y sangrantes" los niveles "d’enchufismu", de "clientelismu políticu" y "amiguismu" a los que ta llegando’l "réxime de la FSA y de los que lu caltienen".
Pa la organización política asturiana, los últimos fechos, la denuncia de que tol personal de la Procuradora Xeneral del ‘Principado’ foi nomada "a deu" o’l nomamientu tamién "a deu" del direutor nuevu del Muséu Etnográficu de Grandas "espeyen perbién la situación y la calidá democrática que sufrimos".

Nun dexa de ser simpático, qu’una organización que tien dientru un clan familiar que controla nun solo l’organización política sinón toles cadarmes paraleles qu’utilicen pa la financiación, permítase dar lleiciones d’ética y moralidá a naide. Sedría bono que predicando col exemplu fueren capaces de separtar les necesidaes de la sociedá asturiana de los sos intereses y negocios familiares.

Andecha Astur xúnese a la denuncia pública del Conceyu por Otra Función pública n’Asturies (COFPA) sobre’l nomamientu "a deu" de tola plantilla de la Procuradora Xeneral "y la que yá fixera de lo xeneralizao de la situación d’emplegar na alministración ‘comisarios políticos’ del rexime".

Fáltenmos deos de les manes pa cuntar tolos cargos y puestos qu’ocupen el clan familiar Marqués. Si ún dirixe Andecha Astur, la muyer lleva les perres, el fíu tá na mocedá “revolucionario”, la ma na fundación, una hermana nes asociaciones, l’otra dirixe-y la revista, coloca nel chigre al compañeru, dalgún sobrín recibe premios,….y lo que sobra pa los amigos y militantes de la organización. Comu diz esti nuevu subcomandante Marcos “ pa nós too, pa toos ná”.

De la mesma Andecha denuncia, ensin entrar a valorar los sos méritos profesionales o personales, la destitución del Pepe El Ferreiro como direutor del Muséu Etnográficu de Grandas de Salime, "pa, por cuestiones polítiques, nomar a deu, ensin sacar la plaza a convocatoria pública, un direutor nuevu adictu al rexime, cola complicidá d’IU".P'Andecha Astur la situación "yá fiede" y considera que "tolos partíos parllamentarios, PSOE, IU-BA-LV y PP, ensin esceición son responsables, toos gobiernen y/o gobernaron y, en mayor o menor medida, caltuvieron el sistema, creando y engordando una élite agradecida".

"Dende la izquierda nacionaliega camentamos que’l del clientelismu políticu, la deucracia, ye un problema importante a iguar y combatir", remata la nota de prensa Andecha Astur.

No que si que tienen tola razón, ye qu’hai que finar col réximen maf-iosu del PSOE y los sos collaboradores necesarios. Ye’l momentu de combatir l’entramáu cuyu únicu envís paez ser el de blanquiar les perres.
Nin reyes nin dioses nin marqueses, acabemos colos esplotadores y parásitos de los puestinos y les perres, por una Asturies llibre y soberana pa la clas trabayaora.

Aición solidaria col trabayaor despedíu por Andecha Astur

L'Ensame de Trabayaores Asturianos Jose María Martinez, fizo'l pasáu díi 6 de Febreru una aición en solidaridá col trabayaor despedíu del Llar D'Andecha (L'Ayalga) en Xixón, coincidiendo cola folixa que teníen organizada los esplotadores del Ensame Sidreru y la Revista La Sidra.

Asperamos que se-yos atragantasen los oricios, dende llueu los trabayaores nun tamos pa cellebrar oriciades, comu faen los marqueses.

Meyor dedicaben les perres de laes fartures y les sovenciones pa pagar a los trabayaores y tenelos aseguraos comu tien de ser.

Alvertimos a Andecha Astur que siguira teniendo noticies de nós, en tantu en cuentu nun se resuelva la situación del trabayaor despidíu.

¡El que la fai la paga¡, !Marqueses Fartones!

Nueva fecha pal xuiciu escontra'l llar d'Andecha en Xixón

El xuiciu escontra Marcos Abel Fernández Marqués, Andecha Astur, Ensame Sidreru, Fundación Andecha, Asociación Cultural L'Ayalga y Fernán Gonzali Lechosa como presidente la mesma, pol despidu improcedente d’un trabayaor, que diba cellebrase’l martes 12 xineru a les 13 hores, nel xuzgáu númberu 2 de lo social en Xixón, aplázase fasta'l 23 de Marzu.

Videu "Axuntabense"

AXUNTABENSE

"AXUNTABENSE, AXUNTABENSE

CON UNA XIBLATA AL PIE DE UN TONEL

PUESTU NUN BARRANCU Y TAPAU CON LLAUREL

AXUNTABENSE, AXUNTABENSE

MOZOS MUY GAYASPEROS

QUE A MAS DE BEBER

CANTABEN, BAILABEN Y ANIMABENSE"

El trabayu n'Andecha (Fartones)

Na semeya podemos ver a la "izquierda d'Asturies " trabayando duramente pola lliberación nacional y social del pueblu trabayaor asturianu.

Too esto evidentemente dempués de pidir un fargatáu de perres en sovenciones, pero ya se sabe puestinos y perres pa collacios y fartures.

Los Cazasovenciones

Manifiestu Marquesista

"Una pantasma recuerre Asturies: la pantasma la sovención".

"La Infracadarma", 5ª parte (Negocios de familia)

Convocatoria de Beca d’Investigación y Periodismu Sidreru:

Enllace noticia de la convocatoria: http://infoasturies.net/index.php?option=com_content&view=article&id=6840:convocada-beca-dinvestigacion-y-periodismu-sidreru&catid=37:cultura&Itemid=53

“…pa facer práctiques en redacciones de la revista La Sidra demientres un periodu máximu de 2 años con una asignación mensual de 800€”.

Paez muncha casualidá que la fundación Asturies XXI convoque una beca pa facer un trabayu na revista La Sidra, que ye la qu’ellos saquen a traviés d’Espublizastur pal Ensame Sidreru, y a la so vez de la que ye direutora Llucía Fenández Marqués, ye dicir: la hermana, fía y cuñada de la direición de la fundación.
Nesta noticia http://canales.elcomerciodigital.com/gastronomia/entrevistas/041014.htm, el presidente de la fundación apaez tamién comu miembru de l’asociación qu’espubliza la revista pa la que se creó la beca d’investigación.

Por otru llau les solicitudes tienen d’enviase, non a la direición de la fundación sinón a la del llar d’Andecha o Asociación L’Ayalga que tá na cai Decano Prendes Pando, 11 de Xixón.
Por si nesti puntu dalguién se perdío, o nun conoz la rede d’organizaciones, fundaciones, etc. na que se repiten una y otra, y otra vegada los mesmos nomes, con diferente cargu n’estremaos espacios, pue consultar l’esquema d’organizaciones, qu’atopase na “Infracadarma”.

Dalgunos puntos destacables d’esta beca que mos llamen l’atención:

2.4. "Status" xurídicu de los Beneficiarios. El "status" xurídicu de los beneficiarios d’estes beques sedrá'l de becarios de la Fundación Asturies XXI, sin que comporte la esistencia d’un vínculu llaboral ente’l becariu y la empresa.

2.5. Incompatibilidades. El disfrute d’una d’estes beques ye incompatible cola realización por parte del becariu de cualaquier trabayu, ya sea por cuenta propia o ayena y/o cualaquier otru tipu de beca de característiques asemeyaes.

Aquí hai tres cuestiones a destacar:

1.- Presentase la revista La Sidra comu una empresa, cuando ye una publicación del Ensame Sidreru que ta constituyida comu asociación cultural, con toles ventaxes qu'eso trai venceyao, de tipu fiscal y de toa triba.

2.- El “status” xurídicu va ser el de becarios y níegase la vinculación llaboral, polo tanto tolos drechos que comu trabayaora-y corresponderíen por tala condición.

3.- Pa rematalo pídese dedicación absoluta e incompatible con otres beques, o trabayu. En poques pallabres queremos un asturianu que trabaye “bueno, bonito y barato”.

4.1.5 A propuesta del Xuráu y si concurrieren motivos xustificaos pa ello, la FUNDACIÓN podrá declarar desierta, total o parcialmente, la axudicación de les beques que se convoquen.

4.1.6 La FUNDACIÓN concederá les beques d’alcuerdu cola propuesta del Xuráu y comunicará per escrito a los interesaos la axudicación de les mesmes. El restu de los candidatos quedará como suplente.

5.6 Asistir a les reuniones y entrevistes a les que seyan convocaos poles instituciones que collaboren nel Programa.

5.7 Nun divulgar nenguna información de cálter confidencial nin durante nin depués del periodu de práctiques.

6. Por anulación de la beca por parte de les entidaes convocantes

La fundación pue decidir, en función de les sos necesidaes, tanto dexar desierta la beca como anulala en cualesquier momentu, lo que dexa al becariu nuna situación d’absoluta precariedá. Y por otru llau pídese-y asistir a una serie de reuniones y entrevistes, con unes instituciones que collaboren nun programa, ensin saber cuáles son eses instituciones nin cuál ye esi programa. Igual que tampocu mos queda nidio a que se refieren colo d’información de calter confidencial, anque podemos imaxínalo. Y ye que con tantu chiringuitu montáu, necesitaran que los trapos familiares se llaven en casa.

Tamos ansiosos por ver a quién va a toca-y la xata la rifa. Almítense apuestes…

"La Infracadarma", 4ª parte (Negocios de familia)

Convocatories y sovenciones de la Fundación Asturies XXI:

Sovención de 2.000 euros pal concursu d’astrofotografía CieloAstur. Espublizada nel BOPA núm. 294 de 22- XII-2009.

· El 30 d’Ochobre de 2009: espublizase la convocatoria d’un concursu d’astrofotografía.

Enllaz noticia: http://www.infoasturies.net/index.php?option=com_content&view=article&id=5842:la-fundacion-asturies-xxi-convoca-un-concursu-dastrofotografia&catid=37:cultura&Itemid=53

· El 24 Avientu de 2009: espublizase’l ganador del concursu d’astrofotografía, Asur Enol Marqués. El premiu son 1.000 euros. Nel xuráu hai un miembru d’esta asociación, nun s’especifica si’l tíu, la tía o la güela.

Enllaz noticia: http://www.asturnews.com/index2008.php?idn=9120

Sovención de 1.000 euros pal Concursu de relatos ciencia-non ficción (BOPA núm. 149 de 29-VI-2009).

Al empar dende esta fundación tiense pidíes sovenciones pal fomentu d’emplegu (BOPA núm. 149 de 29-VI-2009).

"La Infracadarma", 3ª parte (Asuntos de familia)

Fundación Asturies XXI

Xunta direutiva:

-Presidente: D. Marcos Abel Fernández Marqués, vecín de Santuriu (Xixón)
-Vicepresidente: D.ª María del Carmen Marqués López, vecina de Xixón.
-Secretaria: D.ª María del Carmé Pérez Antolín, vecina de Santuriu (Xixón).

Rexistru de Fundaciones Docentes y Culturales d’Interés Xeneral del Principau d’Asturies:

Foi declarada fundación d’interés xeneral, clasificándola como cultural pola Resolución de 4 marzu del 2009 pola Conseyería de Cultura y Turismo y ordena la so inscripción nel rexistru fundaciones col númberu 33/FDC0135.

Rexistru notarial de constitución de la Fundación, el 3 de payares de 2008 ente la notaria D.ª María Isabel Valdés-Solís Cecchini del Illustre Colexu d’Uvieu.

Escritura pública de rectificación de la de constitución otorgada ente la mesma notaria’l díi 6 de febreru de 2009.

Finxos de la Fundación:

“Con calter xeneral, l’estudiu, difusión y potenciación d’Asturies, la so sociedá, hestoria, etnografía, llingua, cultura, padrimoniu, mediu ambiente, recursos ñaturales, flora, fauna y paisaxe”. Nel propiu artículu enumerense les estremaes modalidaes mediante les cuales
tendrán de materializase tales finxos fundacionales.

Domiciliu social:

La Pipa. La Caleya’l Ríu 205. Carceo. Santuriu, 33394-XiXón.

Ambitu d’actividá principal:

Principau d’Asturies.

Dotación inicial de la Fundación:

30.000 euros, de los cuales acreditase la cantidá de 7.500 euros como desembolsada nel momentu constitucional.

"La Infracadarma", 2ª parte (The Maf Boys)

Esti pequeñu esquema pretende continuar el trabayu entamáu, col envís de siguir sacando a la lluz la rellación ente la financión de "la izquierda d'Asturies", coles asociaciones y fundaciones que formen parte de la cadarma d'Andecha Astur. Bien seya al travies de pidir estremaes sovenciones, ( a la contratación, pola promoción de la llingua, etc) ya emplegando les estructures pa los sos negocios bien seyan de carauter personales o políticos. Siguirimos más alantre nos siguientes capítulos de la infacadarma entrando al detalle al restu d'estructures.

"La Infracadarma", 1ª parte

Esti esquema intenta esclariar l'abegosu panorama organizativu de los que s'autodenominen "la izquierda d'Asturies".

Pue qu'haya dalgún erru, pero ye bastante díficil sigui-yos el ritmu d'organizaciones, revistes, fundaciones,...y tolos demás negocios qu'empleguen pa financiase.

Agradeceremos cualesquier sofitu o collaboración pa iguar los erros que pudiere haber nel esquema.

Atecha Astur

Pola sovención familiar y el negociu empresarial

La nueva patronal d'Asturies

DESPIDOS Y PERRES (XUICÍU POR DESPIDU IMPROCEDENTE):

Aplázose’l xuiciu escontra Marcos Abel Fernández Marqués, Andecha Astur, Ensame Sidreru, Fundación Andecha, Asociación cultural L'ayalga y Fenan Gonzali Lechosa como presidente la mesma, pol despidu improcedente d’un trabayaor. El xuiciu diba celebrase’l martes 12 xineru a les 13 hores, nel xuzgáu númberu 2 de lo social en Xixón.

Na conciliación que tuvo llugar el pasáu mes d'Avientu nel UMAC (Unidá de mediación, arbitraxe y conciliación), nun foi posible algamar alcuerdu dengún, pola non presentación de les entidaes demandaes. Sólo se presentó una presona en nome la Fundación Andecha, Arturu Xosé Bermeyu García ….., qu’alegó que la Fundación que preside nun tien que ver con Andecha Astur qu'amás ye la única presona de dicha fundación que ta afiliáu, al empar qu'afirmó nun tener un res que ver col despidu del trabayaor del llar social d'Andecha, situáu na cai Decanu Prendes Pando 11 baxu drecha de Xixón, ya qu’anque reconocío ser militante del partíu, plantego que la organización furrula médiante conceyos autónomos y qu'al ser militante del conceyu d'Uviéu nun tien na que ver colo qu'asocede nel de Xixón.

El restu de demandaos nun saben, nun retruquen, taren escribiendo poles Asturies.


Pa vivir como un Marqués,

Andecha Astur, más qu'un partíu una gran familia