A la patronal asturiana o a la española "Pinta-yoslo ñegro"

Llegomos a esti blog un nuevu comunicáu del Ensame de Trabayaores Asturianos Jose María Martínez, vindicando nueves aiciones en solidaridá col trabayaor despedíu por Andecha Astur.

Dientru la campaña Paint it Black que tamos llevando alantre, en solidaridá col trabayor despedíu por Andecha Astur, esti miercoles 10 fizose un nuevu sabotaxe nes clíniques del Marqués comu responsable cimeru d'esti conflictu.

Por si-yos queden duldes a estos mangantes nun-yos va salir de baldre la esplotación.

Seguireís teniendo noticies de nós.

Nin guerra ente pueblos, nin paz ente clases.

Conceyu nacional, Conceyu peslláu

El pasáu 27 de Febreru un grupu del Ensame de Trabayaores Asturianos Jose María Martínez fizó una nueva aición en solidaridá col trabayaor despedíu por Andecha Astur SL, al traviés del so cabezaleru señor Marques.

Demientres los miembros d'Andecha Astur cellebraben el so conceyu nacional, un grupu de militantes del Ensame pesllaronlos na casa sindical, pa que-yos quede nidio que los esplotaores de la clase obrera asturiana nun son bien recibíos nos llocales de los trabayaores.

Demientres estos comediantes falaben de xunidá ellectoral, nós ficimos-yos una amuesa de que la unica xunidá que mos interesa a los trabayaores, ye la xunidá d'aición pa la llucha. Evidentemente nun hai xunidá posible ente esplotadores y esplotados.

Facemos-yos una alvertencia, los llocales más afayízos pa que s'aconceyen esta reciella d'esplotadores nun ye la casa sindical, sinón los llocales de la Fade y sinón ya saben lo que-yos queda, comu dicíen los nuesos güelos: "El que la fai la paga"

UHP

N'ast (Otru chamizu, otra sovención)

Comu col Ensame pola oficialidá nun dio tiempu a entamar la caza la sovención, surde otra nueva organización de mases ( o sera de meses) N'ast.

Esta asociación cultural dende'l 2007 vien asoleyando una revista "N'Ast Cartafueyos d'ensayu" onde ye vezu alcontrar los "ensayos" de los militantes d'Andecha Astur o de la redolada. Lleven 4 numberos ente'l (2007 - 2010). Anque na cabera "xunta d'escritores" diesen anuncia d'un numberu 5 qu'entovía nun asoleyaron, igual tan asperando que salgan les sovenciones

Al entamu la revista nel 2007 taba al frente la mesma Xabi de Cea militante de Andecha Astur en Llanes, pero nestos momentos quien paez guiar el proyeutu o fai de mayestru ceremonies (director) paez ser el militante dAndecha Astur Daniel Cueli, antiguamente empadronáu na Villa, agora en Bimenes. Que casualidaes de la vida tamíen ye al empar secretariu xeneral d'Andecha Astur o asina apaez na paxina 4 del Infoandecha de mayu-xunu 2008 (anque nun mos queda nidio, si la xusticia española a la que-yos presta tantu acudir tien la mesma opinión)

2007

Consultando'l Bopa numberu 191 con fecha del 16-VIII-2007, vemos comu la sociación cultural n'Ast sacó 1000 euros pa los numberos 1 y 2 de la revista N'Ast Cartafueyos d'ensayu y 500 euros más pa material de promoción del asturianu y fueron-yos denegaes otres 4 sovenciones pa: 1) Encuentro d'escritores nel Oriente; 2) Pagina web; 3) Cursos d'asturianu; 4) CD de cantares asturianos.

El motivu pa denega-yosles, yera dar prioridá a otros proyeutos de mayor interés ente la imposibilidá d'atender toles solicitudes presentaes por falta perres.

2009

Nel Bopa numberu 223 de 25- IX-2009 podemos atopar otra sovención pa la revista N'ast de 625'30 euros pa la revista N'ast. Tamíen solicitaren otra pa un proyeutu de " Xires llinguístiques y culturales", el motivu pa denega-yosla foi nun algamar la puntuación necesaria.

Enllaz a la paxina, anque nun paez que tea furrulando cuantayá y otro 2 pa ver los 4 numberos que sacaron fasta agora de la revista qu'espubliza'l señor Marques.

http://n-ast.org/

http://dialnet.unirioja.es/servlet/revista?codigo=13121

http://www.infoasturies.net/index.php?option=com_content&view=article&id=7203:numberu-4-de-la-revista-nast-cartafueyos-densayu&catid=35:llingua&Itemid=56

http://axenciacpn.blogspot.com/2010/01/daniel-cueli-na-xunta-descritores.html

http://www.asturnews.com/index2008.php?idn=9145

http://www.andecha.org/infoandecha/infoandecha-mayu-xunu-2008.pdf

Ensame pola oficialidá

Equí dexamos una amuesa de l'arqueoloxía política d'Andecha Astur, igual la xente más mozo nin s'alcuerda d'esto.

Fai comu 5 años por estes feches, Marcos Abel Fernández & Cía sacaronse de la manga esti enxendru col que queríen facese cola hexemonía política nel movimientu de vindicación llinguística, la cosa comu suel pasa-y a Piere non doi una y a Patán termino pior de lo qu'entamo.

Tres d'una manifestación del Cao na que terminose cual si fuese una mele d'un partíu de rugby (quitate tú, que pongome yo), na siguiente manifestación ya decidieron nun dir y convocar concentración delantre de la FSA y d'IU, resultáu dos docenes de persones y chiringu vanguardista peslláu.

Pasamos del Ensame pola oficialidá a N'Ast pero eso ya lo dexamos pal siguiente artículu

De la xunidá d'aición y les families romanes

Equí dexamos una simpática semeya de la Reinaguración del Llar d'Andecha, pal que nun conoza al gaiteru ye'l sobrín del perconocíu investigador del mundu la sidre Fernán Gonzali Lechosa ( too seya dicho'l sobrín nun ye igual de cafiante que'l tíu) .

El que se movío y nun salío na semeya ye'l chigreru de L'Ayalga, cuñau de Marcos Abel Fernández Marqués, una pena.

"Cuanta familia tienen estos romanos"

Espublizastur "con tufu a sidre" o sovenciones y sidre axampanáo

Pue consultase na paxina 15961 del Bopa de 9 - VIII - 2007, comu'l "editor" Marcos Abel Fernández Marqués sacó 3768 euros de sovención pa reeditar el llibru con tastu a sidra de Lluis Nel Estrada y na paxina 15966 del mesmu Bopa 3000 euros má poles páxines n'asturianu de la revista la Sidra.

Na páxina tamíen se pue consultar otres sovenciones que pidiere y nun-y dieron (prubín):

"Sidra nel platu" de Bada, "100 sidres" de VV. AA, "La sidra nel arte general de granjerías" trad de la obra de Fray Toribio de Santo Tomás y Pumarada, "La sidra" de Lucía Blanco Zapicón Montes, "Vocabulariu de la sidra y la manzana" de VV. AA, "Del movimientu nacional a la nación constituyía" de Miroslav Horch , " La nación asturiana" de Carlos Blanco.

La tautica d'esti señor ye bien nidia, yo presento una montonera de proyeutos pa que me los sovencionen y lluego los que nun me paguen nun los espublizo y los que me sovencionen son los que saco a la cai.

Esto amás ta facilitáo pola política de sovenciones al asturianu del PSOE, que permite-yos que namás tean que presentar un capítulu del llibru pal que pidas les perres y lo dicho si hai mantega dempués terminase'l llibru, sinón a la papelera y a otra cosa.

"Madre, yo al oro me humillo,

Él es mi amante y mi amado,

Pues de puro enamorado

Anda continuo amarillo.

Que pues doblón o sencillo

Hace todo cuanto quiero,

Poderoso caballero Es don Dinero."

Andecha Astur entama la xunidá d'aición

Andecha Astur convoca un Conceyu Abiertu pa tratar el tema de la xunidá d’aición elleutoral

El pasáu sábadu, 27 de febreru, Andecha Astur cellebró un Conceyu Nacional nel que los sos militantes tuvieren la oportunidá d’aldericar sobre delles custiones, comu son la situación na que s’alcuentren anguañu la organización y el movimientu nacionaliegu, les pautes a siguir en cuantes a les dinámiques de trabayu interna y esterna y la propuesta, na que s’entamó a trabayar va dellos meses, d’una xunidá d’aición que permita enanchar la capacidá de rempuesta a les continues agresiones que tantu nel tarrén nacional comu social ta careciendo Asturies.

Dientro d’esti puntu caberu falóse específicamente de la posibilidá d’aniciar un procesu de xunidá d’aición elleutoral y llegóse al alcuerdu de convocar un nuevu conceyu, nesti casu abiertu a la participación d’aquelles persones y organizaciones interesaes n’aldericar sobre esi procesu o participar direutamente nel mesmu.

El CONCEYU ABIERTU ta convocáu pal SÁBADU 13 DE MARZU y va tener llugar nel Salón d’Actos de la BIBLIOTECA PÚBLICA XOVELLANOS (XIXÓN) de magar les 10’30 HORES.

Equí podemos ver comu termino'l caberu conceyu nacional d'Andecha Astur onde decidiose plantegar la xunidá d'aición ellectoral. Tres del alderique tomose'l determín de ponese a la dura xera que-yos aspera pa llevar la "alternativa d'izquierdes" al gobiernín.

Andecha con nós nel llagar

Fasta la tarrancha siempre.