Andecha Astur entama la xunidá d'aición

Andecha Astur convoca un Conceyu Abiertu pa tratar el tema de la xunidá d’aición elleutoral

El pasáu sábadu, 27 de febreru, Andecha Astur cellebró un Conceyu Nacional nel que los sos militantes tuvieren la oportunidá d’aldericar sobre delles custiones, comu son la situación na que s’alcuentren anguañu la organización y el movimientu nacionaliegu, les pautes a siguir en cuantes a les dinámiques de trabayu interna y esterna y la propuesta, na que s’entamó a trabayar va dellos meses, d’una xunidá d’aición que permita enanchar la capacidá de rempuesta a les continues agresiones que tantu nel tarrén nacional comu social ta careciendo Asturies.

Dientro d’esti puntu caberu falóse específicamente de la posibilidá d’aniciar un procesu de xunidá d’aición elleutoral y llegóse al alcuerdu de convocar un nuevu conceyu, nesti casu abiertu a la participación d’aquelles persones y organizaciones interesaes n’aldericar sobre esi procesu o participar direutamente nel mesmu.

El CONCEYU ABIERTU ta convocáu pal SÁBADU 13 DE MARZU y va tener llugar nel Salón d’Actos de la BIBLIOTECA PÚBLICA XOVELLANOS (XIXÓN) de magar les 10’30 HORES.

Equí podemos ver comu termino'l caberu conceyu nacional d'Andecha Astur onde decidiose plantegar la xunidá d'aición ellectoral. Tres del alderique tomose'l determín de ponese a la dura xera que-yos aspera pa llevar la "alternativa d'izquierdes" al gobiernín.

Andecha con nós nel llagar

Fasta la tarrancha siempre.

A poles perres que son poques y son pa nós

Al ataqueer............. MaF more




Polo visto l'ensame sidreru y la so revista tuvieron poniendo'l cazu esta selmana pola casa conceyu de Xixón, el señor Marcos Abel Fernández Marqués foi a la gueta de dalguna perruca a la Conceyalía de Cultura Tradicional y Llingua Asturiana, col envís de facer una romeria de les qu'acostumen.

Asina que ya mos podemos dir preparando que si'l mélicu se lo propón col PSOE tien sovención.

El pequeñu caudillu Maf mos vixila

Luis Tuero Fernández, l 'abogáu del mélicu

Polo que llego fasta los nuesos oyíos, al Doctor Non ( Non conveniu, non cotizaciones, non vacaciones, non drechos) paez que nun-y ta prestando lo que tamos asoleyando nesti blog, porque la verdá manca y la trampa rescampla más tarde o temprano.

Tan tratando d'alcontrar dalgo colo que ponemos una demanda, pero van tenelo fastidiáo

"Sintimos" tener que dicií que vamos siguir entovía con más ganes y comu ye vezu nesti blog, con documentación que dexe nidío quien ye toa esta xentecaya.

Asina que'l abogau que tienen contratáu pa igua-yos llegalmente lo qu'ellos estropien políticamente, va cobrar por ná. Abogáu que según les males o bones llinguees ye'l mesmu que ta defendiendo al que fuere arquitectu municipal de Xixón Ovidio Blanco pol tema de Cabueñes.

http://www.elcomerciodigital.com/gijon/20090805/local/gijon/ovidio-blanco-declara-puerta-200908051334.html

http://www.elcomerciodigital.com/gijon/20090715/gijon/ovidio-blanco-esta-tranquilo-20090715.html

http://jurisprudencia.vlex.es/vid/37980563

Trabayando n'Andecha "Podemos"

Equí na semeya podemos ver al perconocíu escritor e investigador Fernán Gonzali Lechosa faciendo trabayu de campu pa la so obra cabera Diccionariu de la Sidra, una ayalga de la lliteratura universal ensin comparanza denguna.

Salíi moces a baillar

que yá retumba’l panderu,

salíi moces a baillar

que yá retumba’l panderu.

Nun digan que nun hai sal

enes moces d’esti pueblu,

nun digan que nun hai sal

enes moces d’esti pueblu.

Salíi moces a baillar

que yá retumba’l panderu.

Desque la nueche vieno

con moces m’entretevo.

Danzar quier una niña,

danzar en esta villa.

El baile ya se acaba,

ya se acabó la danza.

Ya se marcha la gente,

niña ven a la fuente.

Agua de fuente clara

junto a un roble manaba.

No quise hacerle daño,

gritaba demasiado.

Una vez dixiste que sí,

otra vez dixiste que non.

El degorriu que t’entienda a ti,

que nun soi a entendete yo.

Una vez que sí,

otra vez que non,

les muyeres sois así,

nun tenéis chapeta, non.

Salíi moces a baillar,

a les del mio pueblu digo.

Salíi moces a baillar,

a les del mio pueblu digo,

que les que nun son d’equí

gasten munchu señorío,

que les que nun son d’equí

gasten munchu señorío.

Salíi moces a baillar,

a les del mio pueblu digo.

Desque la nueche vieno

con moces m’entretevo.

Danzar quier una niña,

danzar en esta villa.

El baile ya se acaba,

ya se acabó la danza.

Ya se marcha la gente,

niña ven a la fuente.

Yes tú la que yo quiero,

niña no tengas miedo.

No tengas miedo, niña,

que aún no despunta el día.

Agua de fuente clara

junto a un roble manaba.

No quise hacerle daño,

gritaba demasiado.

Agua de fuente fría

junto a un roble corría.

Allí se quedó ahogada,

allí acabo la danza.

Una vez dixiste que sí,

otra vez dixiste que non,

el degorriu que t’entienda a ti,

que nun soi a entendete yo.

Una vez que sí,

otra vez que non

les muyeres sois así

nun tenéis chapeta, non

Fundación Asturies XXI ( Garra les perres y cuerre)

CONCESIÓN DE AYUDAS PARA LA REALIZACIÓN DE ACCIONES DE DIFUSIÓN Y DIVULGACIÓN CIENTÍFICA Y TECNOLÓGICA EN EL MARCO DE LA SEMANA DE LA CIENCIA 2009.

Sovencion pa concursu de relatos de ciencia non ficción 1000 euros

2009www.ficyt.es/pri/docs/ConcesionSC09.pdf.

Más perres pal bolsu, otra sovención que nun ta ná claro pa que va sirvir. Home lo de non ficción suenamos a coña, porque la realidá ye que piden perres ensin aparar.

Dengún despidu ensin rempuesta

Comunicáu del Ensame de Trabayaores Asturianos Jose María Martínez

L’Ensame de Trabayaores Asturianos Jose María Martínez, ta llevando alantre una campaña d’información y denuncia de la precariedá llaboral y les penoses condiciones de trabayu que carecen la gran mayoría de les trabayadores del grupu empresarial Andecha Astur Sociedá Limitada. Sobremanera, toes aquelles que nun tenemos denguna rellación de calter familiar u organizativa col empresariu y alministraor únicu Marcos Abel Fernández Marqués.

Pa nós, el grupu empresarial Andecha Astur S.L. impón unes condiciones llaborales inaceutables: xornaes llaborales interminables, hores estres nun remuneraes, nun s’asegura a les trabayadores poles hores trabayaes, los trabayos de fin de selmana faense de contino ensin contratu, cúntase namás que con un díi de descansu selmanal, los sueldos nun algamen el SMI, los despidos nun son notificaos por escritu, nun se respeten los plazos de notificación establecíos e incluso tien daose’l casu d’apropiación indebida d’oxetos personales de les trabayaores, pol procedimientu de camudar la pesllera la empresa impidiendo’l pasu a les compañeres.

Pero’l braeru problema nos escuros negocios d’Andecha Astur S.L, ye la falta ferramientes que garanticen el cumplimientu les normatives llegales que regulen la xera llaboral. Asina, los Convenios Coleutivos, tórnense en papel moyáu porque incúmplense dafechu.

A too ello hai d’amestar les torgues coles que mos atopamos al denunciar les irregularidaes ya incumplimientos delantre la Inspeición de Trabayu, que nun son quien a sacar a la lluz toles irregularidades denunciaes, y, con ello, permite, tolera y tórnase cómpliz, anque seya de mou indereutu, de la situación d’inxusticia ya indefensión de la gran mayoría los y les trabayadores de la empresa Andecha Astur S.L.


Asina les coses, vamos siguir asoleyando nes muries y escaparates de la patronal (“La vindicación del Pueblu trabayaor asturianu”) al mesmu tiempu repartiremos propaganda per tolos centros de trabayu (chigres, asociaciones, fundaciones, editoriales, clíniques e institutos yaeso) na que s’informa a les trabayadores de los sos drechos, ufiertándo-yos el nuesu sofitu y solidaridá activa, pa la igua los sos conflictos y reivindicaciones llaborales.


Pa finar, vamos siguir al empar una campaña de denuncia delantre Inspeición de Trabayu, de toos aquellos negocios d’Andecha qu’incumplan la normativa llaboral vixente nel Conveniu Coleutivu pidiendo les responsabilidaes alministratives y xudiciales que procedan, escontra Inspeición de Trabayu y Direición Xeneral de Trabayu si éstes persisten na so actitú de permisividá y tolerancia delantre los fraudes cometíos pola autodenominada izquierda d’Asturies.

Obreru despedíu, patrón colgáu
Coles tripes del ultimu burgués, aforcaremos al Marqués

Andecha Astur S.L Otra de premios y sovenciones

• Bruno Gómez ganó’l I Premiu "Asturies" d’Ensayu con “Turismu ya identidá nacional”.
  
  Infoasturies
  LlINGUA y LLITERATURA
  Martes, 10 de Payares de 2009
  
  Aconceyáu’l xuráu del premiu “Asturies” d’ensayu, conocáu pola Editorial Espublizastur, presidíu por David Rivas Infante y compuestu por Xose A. Armayor, Fonsu Fernández Álvares y Mª Carme Marqués, alcordó otorga-y el primer premiu a la obra “Turismu ya identidá Nacional”, qu’una vuelta abiertes les pliques resultó ser obra de Bruno Gómez Jiménez.
  Bruno Gómez Jiménez, (Xixón 1982) ye Teúnicu superior n'animación d'Actividaes fisico-deportives y estudiante de Turismu na Escuela Universitaria de Turismu d´Asturies. Gómez trabaya como Xefe d'animación del resort turísticu, Las Dunas Camping & Bungalow de Sant Pere Pescador, Girona, Catalunya y ye Xefe d'animación y Tour Leader de la mayorista de viaxes Travelkids del grupu Bestours, Barcelona, Catalunya.

Prestamos destacar enforma comu hai coses que se repiten n'Asturies más que les morcielles.

Fai escasamente 3 meses el señor David Rivas Infante exercía comu presidente del xuráu d'otru premíu amagostáu pol señor Fernández Marqués nel que "casualidaes de la vida" otru mienbru d'Andecha Astur, Bruno Gómez Jiménez resultaba ganador d'otru premiu d'ensayu.

El ganador nun solo yera militante d'Andecha Astur o de Darreu sinon qu'amás foi candidatu al congresu nes caberes elleiciones estatales.

Lo dicho mesmu convocante, mesmu presidente, y la mesma resultante : "Otru perrito piloto pa Marcos y la so moto".

Asina mesmo, el xuráu aprebó unitariamente recomendar la espublización del ensayu “Les Asturies nel nacionalismu vascu”, del que ye autor Xaviel Vilareyo y Villamil. Nel mesmu sen, tanto’l xuráu comu la editorial convocante d’esti I Premiu d’Ensayu “Asturies” felicita a tolos participantes (9 ensayos en total), pol bon nivel de los trabayos presentaos. En viendo’l perbón resultáu d’esta primer convocatoria, Espublizastur, anuncia la so intención d’aumentar en 1.000 euros la dotación económica del premiu (nesta primer convocatoria foi de 1.500 €).

Eso si anque les obres les va espublizar la "editorial amiga", a Fernán, debe ser porque ye más collacíu, van toca-y 1500 euros ( 250 en llibros) y pa Bruno solu quedaren 1000 euros.

Pero que nun s'esmolezca que pa la siguiente vegada anuncien qu'aumenta la mantega.

Pa quien quiera cha-y un gueyu tamíen se pue consultar el numberu 4 de los cartafueyos "d'ensayu N'Ast", onde apaez un artículu sobre la cuestión.

Dexamos una prestosa entrevista col ensayista y políticu qu'asperamos que seya d'interés pa toes

Entrevista asoleyada n'InfoAndecha, muérganu escritu d'información d'Andecha Astur, nel so númberu 5, correspondiente al mes de Febreru de 2008. Reproducía en Infoasturies.

El candidatu al congresu, Bruno Gómez nació en Xixón, tien 25 años y ye Téunicu Superior n'Animación d'Actividaes Fisico-deportives y miebru de la organización xuvenil Darréu y del sindicatu CSI.

¿Por qué se presenta Andecha Astur a estes elleiciones?

Bruno Gómez: en cada foru , en cada alderique, en cada procesu onde’l futuru del nuesu país tea en xuegu, la izquierda nacionaliega tien de tar presente apurriendo’l so discursu firme y coherente na defensa de los nuesos intereses y drechos comu presones y comu pueblu. Cada asturiana y asturianu que creya nuna Asturies estremada, con capacidá d’escoyer llibremente el so futuru, onde se sofite y s’afale la llingua y cultura propies, onde se puea vivir y trabayar dignamente, una Asturies onde los intereses económicos nun desanicien el padrimoniu natural y cultural, un país de ciudadanos y ciudadanes llibres, esos asturianos y asturianes tienen el drechu a tener un opción política que los represente y seya vocera del so naguar. Esa organización política ye Andecha Astur.

¿Cómu se ve dende la mocedá la situación d’Asturies?

Bruno Gómez: la mocedá asturiano vive una situación perdifícil ya que nun solo carez los problemes y la falta de drechos común al restu d’asturianos y asturianes, sinón qu’arriendes d’ello, ye víctima cimera de la llaceriosa situación llaboral na que mos atopamos. A los miles de mozos y moces que ca añu se ven obligaos a colar d’Asturies a la gueta d’un trabayu pa poder vivir y que son despreciaos y humildaos pol gobiernín de turnu hai que sumar otros miles que, trabayando n’Asturies, ven comu la precariedá, la esplotación y la discriminación sesista que carecen, xunto col preciu descomanáu de la vivienda y los bienes de primera necesidá, impíde-yos emancipase y tener una vida digna. Como militante d’Andecha Astur, y tamién de Darréu, afalo a la mocedá a organizase y lluchar persabiendo que’l futuru del nuesu pueblu decídese anguañu y que dende una mocedá comprometío y puxante podemos empobinalu haza los finxos de la soberanía nacional y la xusticia social.

Pa finar, ¿Por qué hai que votar a Andecha Astur?

Bruno Gómez: cada votu a Andecha Astur supón un sofitu nidiu y rotundu a un proyeutu asturianu y d’izquierdes dafechu p’Asturies. Un proyeutu coherente y constante que, lloñe del posibilismu y l’entreguismu, faiga frente al de los partíos sucursalistes que, defendiendo intereses ayenos, planifiquen les polítiques qu’alluguen a Asturies nesta llaceriosa situación identitaria, económica, llaboral y social. Cada votu afita inequívocamente la esistencia d’un asturianu o una asturiana qu’apuesta por un cambiu fonderu y representa la dignidá de los que nun se van quedar de brazos cruciaos mientres nos anulen comu pueblu y persones.

Dexamos tamíen unos enllaces pa consultar por si queda daquíen con dalguna dulda:

http://www.youtube.com/watch?v=1dzuRva8rqc&feature=related

http://www.youtube.com/watch?v=WeFS_Hg8edo&feature=related